இன்றைய புனிதர் பகுதியை தொகுத்து வழங்குபவர்
அருள்திரு. மை. அடைக்கலம் டொனால்டு
கும்பகோணம் மறைமாவட்டம்
தமிழகம், இந்தியா

என் ஆட்சி வரும்போது நீங்கள் என்னோடு பந்தியில் அமர்ந்து உண்டு குடிப்பீர்கள்; இஸ்ரயேலின் பன்னிரு குலத்தவருக்கும் தீர்ப்பு வழங்க அரியணையில் அமர்வீர்கள்.
(லூக்கா 22:30)


இன்றைய புனிதர்

2017-05-01

புனித யோசேப்பு (சூசையப்பர்)

தொழிலாளர்களின் பாதுகாவலர்


பிறப்பு
--

இறப்பு
--


நாத்திக பொதுவுடைமையாளர்கள் மே தினத்தை தொழிலாளரின் நலனுக்கென்று முதன்முறையாக உருவாக்கினர். இதற்கு முழுமையான பொருள் கிடைக்கும் வகையில் 1955 ஆம் ஆண்டு திருத்தந்தை 12 ஆம் பத்திநாதர் "தொழிலாளரான புனித சூசையப்பர்" திருநாளை மே மாதம் முதலாம் நாளில் திருச்சபை முழுவதிலும் கொண்டாட பணித்தார். இயேசு ஒரு தச்சு தொழிலாளி என்பதற்கு நம் தாயாம் திருச்சபை முக்கியத்துவம் கொடுக்கிறது. இயேசுவை இப்பணிக்கு உருவாக்கியவர் சூசையே. மனிதன் தன் கைகளாலும், தன் அறிவாற்றலாலும் கிறிஸ்துவின் மறையுடலைக் கட்டி எழுப்பக் கடமைப்பட்டவன் என்பதை புனித சூசையப்பர் தன் வாழ்வின் வழியாக உணர்த்தியுள்ளார்.

இன்றைய உலகில் மனிதன், தனது முயற்சியினாலும், திறமையாலும் அடைந்த மாபெரும் வெற்றியை நினைக்க நினைக்க அனைவரையும் மெய்சிலிர்க்க வைக்கின்றது. அனைத்து நாட்டு மக்களும் கைகோர்த்துப் பணியாற்றுகிறார்கள் என்பது வெற்றிக்கு மூல காரணமாக உள்ளது. உலக மாந்தர் அனைவரும் ஒரு குடும்பத்தினர்போல் சுருங்கிவிட்ட காட்சி வியப்பானது. புதிய சாதனங்களும், கண்டுபிடிப்புகளும் எவ்வாறு பயன்படுத்தப்படவேண்டும் என்பதை திருச்சபை உலக மக்களுக்கு எடுத்துரைத்துவருகிறது. கடவுளின் திட்டம், மனித வரலாற்றில் நிறைவேற, மனிதன் எவ்வாறு ஒத்துழைக்கவேண்டும் என்பதை சூசை தன் வாழ்வில் உணர்த்தியுள்ளார். உலகின் பல பகுதிகளிலும் மனித உழைப்பின் மாண்பினைப் பாராட்டும் விழா மே மாதம் முதல் நாளன்று கொண்டாடப்படவேண்டுமென்று இத்திருவிழா நிறுவப்பட்டது.


செபம்:

உலகை படைத்து பராமரித்து ஆளும் இறைவா! உழைக்க வேண்டும் என்னும் நியதியை, மனித இனத்திற்குத் தந்துள்ளீர். நாங்கள் புனித யோசேப்பின் எடுத்துக்காட்டான வாழ்வாலும், மன்றாட்டாலும் நீர் கட்டளையிடும் பணிகளை புரியவும், நீர் வாக்களித்த பேற்றைப் பெற்றுக்கொள்ளவும் எங்களுக்கு வரம் அருளும்.



இந்நாளில் நினைவுகூறப்படும் பிற புனிதர்கள்


நாண்டேவுல் நகர் துறவி மார்க்குல்ப் Markulf von Nanteul

பிறப்பு: 490, பிரான்சு
இறப்பு: 01 மே 558, நாண்டேவுல், பிரான்ஸ்
பாதுகாவல்: நெசவாளிகள், மருந்தகங்கள், தொண்டை வலியிலிருந்து


துறவி பெரேக்ரினுஸ் லசியோசி Peregrinus Laziosi

பிறப்பு: 1265 போர்லி Forli, இத்தாலி
இறப்பு:1 மே 1345 இத்தாலி
புனிதர்பட்டம்: 1726
பாதுகாவல்: கர்ப்பிணி பெண்கள், புற்றுநோய், எலும்பு நோய், கால் வலியிலிருந்து